Plantun de Prouvènço

Pèr coumpara dos planto d'encò nostre

Cerinthe major & Nicotiana glauca

Favo-cougiou

Cerinthe major

Boraginaceae

Autre noum : Favo-couguou.

Noms en français : Grand Mélinet, Grand Cérinthe.

Descripcioun :
La favo-couguou es uno planto de l'an sènso péu e verdalo emé de làrgi fueio embrassanto. Si flour, en grapo, e longo soun majamen jauno emé de rouge à la baso. I'a pas pèr s'engana. La subsp. de Prouvènço ié dison major.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 100 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Cerinthe
Famiho : Boraginaceae

Ordre : Ordre pas nouma

Coulour de la flour : Jauno
Petalo : 5
Ø (o loungour) flour : 16 à 22 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mars à mai

Liò : Ermas - Sablo - Argielo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Cerinthe major L., 1753

Taba(-verdau)

Nicotiana glauca

Solanaceae

Noms en français : Tabac arborescent, Tabac glauque.

Descripcioun :
Lou taba-verdau es un aubret que trachis au nostre dins li fendasclo di vièi paret e de roucas. Nous vèn d'Americo dóu miejour (Argentino) ounte se vèi fin qu'à 3 700 m d'auturo. Se recounèis à si fueio pourtado pèr un long pecou e verdalo coume la tijo peréu bluio, e tambèn bonodi si lòngui flour jauno en tube.

Usanço :
Emai aguèsson pas li mémi prouprieta qu'aquéli de Nicotiana tabacum, li fueio seco soun fumado pèr lou pople "Quechua" alor que li "Cahuilla" se n'en sèrvon en emplastre pèr garri li plago, li macaduro e li fleiroun, e pèr sougna lis enflige (edèmo). Mèfi de n'en pas manja li fueio, soun mourtalo ! La decoucioun de fueio, richo en nicoutino e anabasino (alcalouïde), pòu servi dins l'ort pèr tua li nieroun.

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Nicotiana
Famiho : Solanaceae

Coulour de la flour : Jauno
Petalo : 5
Ø (o loungour) flour : 0,5 cm
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco :
Abriéu à óutoubre

Liò : Paret - Escoumbre e proche dis oustau - Roucas
Estànci : Termoumediterran à Mesoumediterran
Couroulougi : Óurigino Americo-Sud
Ref. sc. : Nicotiana glauca Graham, 1828

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Cerinthe major & Nicotiana glauca

ges

Coumpara Favo-cougiou emé uno autro planto

Coumpara Taba(-verdau) emé uno autro planto